Զարեհ Սինանյանի ասուլիսը․ կորոնավիրուսից մինչև նոր ծրագրեր

Սփյուռքի գործերի գլխավոր հանձնակատար Զարեհ Սինանյանը հանդես եկավ հերթական ասուլիսով։ Թեման կապված էր Հայ սփյուռքի վրա կորոնավիրուսի նոր տեսակի համաճարակի ազդեցության խնդիրներին և ոչ միայն։ Նա նշեց․ «Ամեն դեպքում կասկածից վեր է, որ այս հիվանդությունը ունենալու է ավելի ընդգրկուն բնույթ։ Եվ բոլոր այն երկրները, որտեղ բնակվում են մեր հայրենակիցները, մանավանդ այն երկրները, որտեղ մեծ թվով մեր հայրենակիցներ են բնակվում, զերծ չեն մնա այս համաճարակի հետևանքներից»։ Սինանյանը անդրադառնալով աշխարհում տիրող համաճարակային ներկա զարգացումներին՝ ներկայացրեց Սփյուռքում արձնագրված իրավիճկը։ Իրանի իսլամական հանրապետության, ըստ Սինանյանի, հայ համայնքում արձանագրվել է մեկ մահ։ Սինանյանը նշեց նաև Սփյուռքի կողմից Հայաստանի Հանրապետությանը համաճարակի հետ կապված ցուցաբերվող աջակցության մասին: Նա հավելեց, որ հաշվի առնելով աշխարհում համաճարակի տարածման տեմպերը՝ չենք կարող իրատեսորեն ակնկալել, որ աջակցությունն այս փուլում մեծ կլինի։