Մասնագիտական պարտքը հայրենի հողում

Մասնագիտական պարտքը հայրենի հողում
Թագավարակի դեմ պայքարում օտարերկրյա աջակցության շրջանակներում օրերս Ֆրանսիայից Հայաստան ժամանեց բժիշկների երկրորդ խումբը: Այս անգամ մեր առողջապահական պայքարին միացան 9 բժիշկներ, ովքեր օրեր շարունակ կիսելու են իրենց փորձառությունը՝ մաս կազմելով Հայաստանի Հանրապետությունում համավարակի դեմ պայքարի առողջապահական համակարգին։ հատկանշական է, որ ֆրանսիական խմբի ղեկավարը հանրահայտ հայ բժիշկ Լորան Փափազյանն է: Առաջին անգամ ոտք դնելով Հայաստան՝ նա բավականին հուզիչ քայլ կատարեց․ Փափազյանը ծնկի եկավ ու շոշափեց հայրենի հողը: Բժիշկների ցանկում է նաև անեսթեզիոլոգ-ռեանիմատոլոգ Հայկ Վարդանյանը: Սփյուռքի գլխավոր հանձնակատարաի գրասենյակից հայտնում են, որ Գրասենյակն այս նախաձեռնությունը կյանքի է կոչում ՀՀ առողջապահության նախարարության և Հայաստանում Ֆրանսիայի Հանրապետության դեսպանության հետ սերտ համագործակցությամբ: Սպասվույմ է, որ նմանօրինակ նախաձեռնություններում հետզհետե ավելի նկատելի են դառնալու օտար երկրներում բնակվող ազգությամբ հայ բժիշկների մասնակցության օրինակները, որոնց թվին կարելի է դասել նաև ռուսաստանյան առողջապահական համակարգը ներկայացնող բժիշկների խմբերը։ 

«spyurk.info» կամավոր թղթակից Դանիելա Զանազանյան

Leave a Reply

Your email address will not be published. Required fields are marked *