Կոլորադոյում պղծել են Հայոց ցեղասպանության զոհերի հուշարձանը
624 Դիտում
Կոլորադոյում պղծել են Հայոց ցեղասպանության զոհերի հուշարձանը
Ցավալի է, սակայն 21-րդ դարում շարունակվում են վանդալիզմի զոհ դառնալ պատմամշակութային հուշարձանները։ Դրանց թվում են նաև հայկական հուշարձանները։ Վերջին տխրահռչակ օրինակը արձանագրվել է ԱՄՆ Կոլորադո նահանգի Դենվեր քաղաքում։
«Անհրաժեշտության դեպքում մենք կրկին կվերակառուցենք մեր սուրբ հուշարձանը՝ միաժամանակ պաշտպնելով մարդու իրավունքներն ու հավասարությունը»,- ասել են Կոլորադոյի հայերը: Հուշարձանը պղծվել է Ջորջ Ֆլոյդի մահվան կապակցությամբ կազմակերպված ցույցերի ժամանակ: Նա Ֆլոյդը սպանվել էր ոստիկանի կողմից: Կոլորադոյի հայ համայնքի ղեկավարությունը հայտնել էր, որ հայերը դատապարտում են աֆրոամերիկյան համայնքնի նկատմամբ կատարված անարդարությունները և միանում են ցուցարարներին: Խաչքարը նվիրված է բոլոր տեսակի ոճրագործություններից զոհվածներին, ներառյալ ստրկությունն ու ռասիզմը։ Ցավալի է, որ արդարություն փնտրողները պղծել են հենց այս հուշարձանը: Հիշեցնենք, որ այս խաչքարը Նախիջևանում ադրբեջանական կառավարության կողմից կազմակերպած խաչքարերի ոչնչացումից փրկված եզակի նմուշներից մեկն է:
Ռուսաստանում և ԱՄՆ-ում վերջին շրջանում գնալով մեծ ճանաչում է ձեռք բերում հայկական միջազգային «ARMOSPHERE» նախագիծը որի հեղինակի հետ էլ այսօր զրուցել ենք:
Հայրենիքին աջակցելու գործին այսօր Սփյուռքի շատ հայրենակիցներ են միացել։ Նրանցից շատերը այդ նվիրական գործը իրականացնում են առանց բարձրաձայնելու։ Արդյունքում, Հայրենիքում էլ այս մասին հաճախ ոչ մի պատկերացում չենք ունենում։