Սիրիայում տիրող ռազմական, տնտեսական և համաճարակային պայմանները ծանր հետք են թողել նաև տեղի հայ համայնքի վրա։ Հայահոծ Հալեպ քաղաքը մեծ վնասներ է կրել, որոնք հավասարաչափ բաժին են հասել նաև մեր հայրենակիցներին։ Զարմանալի է, սակայն այս պայմաններում շարունակում են գործել հայկական հոգևոր, կրթական և մշակութային կառույցները։ Դրանցից է դանիացի հայասեր բարերարուհի Կարեն Եփփեի անունը կրող Հալեպի ազգային ճեմարանը։
«Հալեպի Կարեն Եփփե ազգային ճեմարանի ներկան» թեմայի շուրջ բարձրացված հարցերի պատասխանները փորձել ենք տալ «ՀԱՄԱՍՓՅՈՒՌՔ» հաղորդման 153-րդ թողարկման ժամանակ:
