Թբիլիսիում նշվել է Սայաթ-Նովային նվիրված «Վարդատոնը»

Ավանդական դարձած Վարդատոնը այս տարի նշվեց մայիսի 31-ին: Աշուղական  երաժշտության մեծագույն վարպետ Սայաթ-Նովայի հիշատակին նվիրված արարողությանը ներկա են եղել Վրաստանի հայ համայնքային կառույցների և թբիլիսահայ մտավորականության ներկայացուցիչներ, բազում հավատացյալներ: Իր մասնակցությունն է բերել նաև Վրաստանում ՀՀ արտակարգ և լիազոր դեսպան Ռուբեն Սադոյանը։ Վիրահայոց թեմի առաջնորդական տեղապահ հոգեշնորհ Տեր Կիրակոս վարդապետ Դավթյանի հանդիսապետությամբ Հոգեգալստյան տոնական Սուրբ Պատարագ է մատուցել Տեր Վիրապ քահանա Ղազարյանը: Ներկաները այցելել և ծաղիկներ են խոնարհել Սուրբ Գևորգ եկեղեցու բակում գտնվող Սայաթ-Նովայի գերեզմանին, որտեղ կատարվել է հոգեհանգստյան կարգ: Ծաղիկներ են խոնարհվել նաև Մեյդան թաղամասում կանգնեցված Սայաթ-Նովայի խորհրդանշական հուշարձանին։ Վարդատոնը առաջին անգամ նշվել է 1914 թվականին։

«spyurk.info» կամավոր թղթակից Տաթև Ալիխանյան