Չիկագոյում գտնվող հայկական եկեղեցին ու ՀՀ հյուպատոսարանը ցուցարարների թիրախ

ԱՄՆ-ում շարունակվում են ցույցերը: Այս անգամ վտանգի առաջ է կանգնել Չիկագոյի Սուրբ Գրիգոր Լուսավորիչ հայկական եկեղեցին։ Եկեղեցու հոգևոր հովվի խոսքով հարձակման պահին նա եկեղեցում չի գտնվել, սակայն երբ տեղեկացել է, որ եկեղեցուն մոտ ցույցեր են տեղի ունենում, անմիջապես գնացել է եկեղեցի և կանգնել բակում՝ ցույց տալու համար, որ եկեղեցին լքված շինություն չէ։ Նա ասաց նաև, որ բարեբախտաբար եկեղեցին վնաս չի կրել, քանի որ ոստիկանությունը ուժեղ հսկողություն էր իրականացնում քաղաքում։

Հարձակման է ենթարկվել նաև Չիկագոյում հայկական հյուպատոսարանի շենքը, ինչպես նաև հայերին պատկանող մի քանի խանութներ։

Հիշեցնենք, որ օրեր առաջ ցուցարարները վնասել էին հայկական խաչքար Դենվեր քաղաքում։

«spyurk.info» կամավոր թղթակից Լուսինե Մանվելյան