Կոլորադոյում ընդունվել է Հայոց ցեղասպանության մասին կրթությունը պարտադիր դարձնող օրինագիծ

Կոլորադոյում ընդունվել է Հայոց ցեղասպանության մասին կրթությունը պարտադիր դարձնող օրինագիծ
ԱՄՆ Կոլորադո նահանգի Ներկայացուցիչների պալատը միաձայն ընդունել է թիվ 1336 օրինագիծը՝ «Հոլոքոսթի և ցեղասպանության ուսումնասիրությունը պետական դպրոցներում»։ Այն սահմանում է, որ Հոլոքոսթի և Հայոց ցեղասպանության ուսուցումը Կոլորադոյի պետական դպրոցներում կլինի պարտադիր:
ԱՄՆ Արևմտյան ափի Ամերիկայի հայ ազգային կոմիտեից շնորհակալություն են հայտնել իրենց գործընկերներին՝ կոալիցիային ընդդեմ Համաշխարհային ցեղասպանության և Կոլորադոյի հրեական համայնքին՝ ցեղասպանության մասին կրթությունն իրականություն դարձնելու ուղղությամբ տարված համատեղ աշխատանքի համար:
Հաջորդ քայլերն են՝ Ներկայացուցիչների պալատում երրորդ ընթերցումը (եզրափակիչ/պաշտոնական քվեարկությունը), Սենատում երկրորդ և երրորդ ընթերցումներ, նահանգապետի ստորագրությունը:

«spyurk.info» կամավոր թղթակից Լուսինե Մանվելյան

Leave a Reply

Your email address will not be published. Required fields are marked *