Հայրենիքում են Սփյուռքի ՏՏ ոլորտի 45 ընկերություն

Հայրենիքում են Սփյուռքի ՏՏ ոլորտի 45 ընկերություն
Սփյուռքի մեր հայրենակիցները ներգրավվո՞ւմ են Հայաստանի Հանրապետության տեղեկատվական տեխնոլոգիաների ոլորտի զարգացման աշխատանքներին: Այս հարցի շուրջ հետաքրքիր դիտարկում իրականացրեց ՀՀ բարձր տեխնոլոգիական արդյունաբերության նախարար Հակոբ Արշակյանը՝ նշելով․ «․․․Տաղանդի ներհոսք ունենք։»: Նախարարը դեկտեմբերի 18-ին տեղի ունեցած իր տարեվերջյան ամփոփիչ ասուլիսի ժամանակ նշեց նաև, որ պետական աջակցությունից օգտվելու համար շուրջ 230 ընկերություն է դիմել նախարարությանը։ Այդ ընկերությունները ստեղծել են մոտ 1200 աշխատատեղ։ Ուշագրավ է, որ այդ ընկերություններից 45 բացվել են Սփյուռքի մեր հայրենակիցների կողմից։ Վերջիններս ներկայացնում են Ֆրանսիան, ԱՄՆ-ն, Ռուսաստանը, Հոլանդիան, Ավստրալիան, Վրաստանը, Շվեյցարիան, Իրանը, Գերմանիան և Միացյալ Թագավորությունը։  Անդրադառնալով «Ներուժ» ծրագրին՝ նախարար Արշակյանը ասաց, որ ունենք 17 երկրներից մասնակցող 47 ընկերություն։ Այս ընկերությունները ներկայացված են եղել շուրջ 80 մասնակիցների միջոցով։ Ծրագրի շրջանակում միջոցառման կազմակերպման համար հատկացվել է 136 մլն ՀՀ դրամ։ Այս գումարից ծրագրի համատեքստում կազմակերպված մրցույթի թվով 6 հաղթողներ կստանան դրամաշնորհ։

Leave a Reply

Your email address will not be published. Required fields are marked *